[tta_listen_btn]
शब्दांचे इमले
बांधणाऱ्यांनो माझा सलाम
तुमचे शब्द
ना सड्याला कामी येत
ना सारवणाला…
आक्रोश,आक्रन्द
दया,करुणा,विद्रोह
फक्त कागदावरच..!
एका बॉटलमध्ये
प्रस्थावना लिहिणारे
अतीव दुःख मांडतात
आपल्या लेखणीतून….
दिनदुबळ्यांसाठी एक
रुपयाही खिशातून बाहेर
पडत नाही की
अन्यायाविरोधात चार
भिंतीच्या बाहेरही
कधी पडत नाहीत तुमचे पाय…
व्यस्थ असतात सदा
आपलीच स्तुती करण्यात
अन मारीत बसतात
कागदी तिर आपल्याच
माणसांवर…..
हे कागदी वाघ….